И-мэйл:
mychina@yahoo.com
Хаяг:
БНХАУ, ӨМӨЗО, Эрээн хот, Шилийн дүүрэг,
Лүн шиан барилгын материалын зах Н-5 тоот.Хятад утас: 0086-13191555510, 18648045510,
Баннер
|
 |
|
|
| Тайлбар
JX1 серийн хэвлэгч машин нь давс, хужир, элсэн чихрийг өндөр нягтралтайгаар шахаж хэвлэхээс гадна төмрийн үртэс, модны үртсийг нягтруулан хайлуулалт хийх, түлшинд хэрэглэх зэрэг анхан шатны дахин боловсруулалтанд бэлтгэнэ. Сүүлийн үед байгалын гаралтай давс хужир нь мал аж ахуй, тахиа гахайны аж ахуй, хүнсний үйлдвэр, арьс шир боловсруулах үйлдвэр, химийн үйлдвэр, эмийн үйлдвэрт ихээхэн эрэлт хэрэгцээтэй түүхий эд болоод байна. Иймд эрхэм таны эрэлт шаардлагын дагуу энэхүү машин нь төрөл бүрийн хэлбэр хэмжээтэйгээр шахаж хэвлэх бөгөөд зураг загварын чинь дагуу тусгай захиалгаар ч үйлдвэрлэж болно.
Танилцуулга
1. Гидрийн насосоор шахах төхөөрөмж нь ямар ч чичиргээгүйгээр бат бөх нягтруулан шахаж хэвлэнэ.
2. Тоног төхөөрөмжийг суурьлуулахын өмнө бат бөх бетонон суурь хийж өгнө.
3) PLC хяналтын төхөөрөмж нь бүрэн автомат болон хагас автоматаар үйлдвэрлэлийг явуулна.
Загвар Даралт (Тонн) Нягтрал (Тонн/M3) Хэвлэмэл
эдийн жин (кг) Хүчин чадал (кг\цаг) Цахилгаан
хэрэглээ(kw) Үйлдвэрийн үнэ(Доллор)
JXXY32-200 200 2.1 2-4 1500 15 21200
Жич:
1. Нийлүүлэх хугацаа: Төлбөр хийснээс хойш 10 хоногт.
2.Төлбөрийн нөхцөл: 50% урьдчилгааг захиалга хийх үедээ, Үлдэгдэл 50%-ийг үйлдвэрээс тоног төхөөрөмж ачигдах үед.
3. Баталгаа: Нэг жил. Захиалагчийн хүсэлтээр Монгол улсад инженер илгээж, угсралт хийх буюу технологийн зааварчилгаа өгч болно.
Хужирын тухай товчхон
Хужир 99 хувь эрдэмтэй, нэг хувийн гэмтэй, харин давс нэг хувь эрдэмтэй, 99 хувийн гэмтэй гэдэг. Хужир бол анагаах чадвартай маш сайн бүтээгдэхүүн. Тухайлбал, Даралт бууруулна, цус харвахаас сэргийлнэ, ходоод, дотор эрхтнийг цэвэрлэнэ, хордлого тайлна, цөс хөөнө, ядаргаа тайлна. Олон сайн талууд бий.
Хужрыг яаж хэрэглэх вэ?
Хэрэглэхэд амархан. Хужирыг цайндаа байнга хийж уувал ядаргаа тайлахаас гадна харвалтаас сэргийлдэг. Ер нь хоёр литр цайнд 0.5-0.7 граммыг хийж буцалгаж уудаг. Мөн хужиртай бүлээн усаар толгойгоо угааж, хөлөө дүрвэл даралт бууна. Үүний дараа гурван орой ваннанд сууж, арчилгуй дулаан хучиж хэвтэнэ. Цээж хорсох, дотор эрхтнийг угаах буюу хордлогод орсон үед нэг аяга усанд 0.3 грамм хужир хийж буцалган бүлээнээр нь уувал сайн. Түүнчлэн аяга, сав, суулгыг угаахаас гадна боорцогны зуурмаганд ч хийж хөөлгөж болно. Үсээ хужираар угаавал намирсан зөөлөн болж хуйханд тэжээл өгдөг.
Хужир нь дотроо бас олон янз байдаг:
Хужир нь хүнсний, малын гэж хоёр янз бий. Малд хужир өгвөл өвчнөөс сэргийлнэ. Хавар зутарсан үед нь хужир долоолговол тарга тэвээрэг сайн авдаг. Ер нь өвс тэжээлийн хажуугаар малд хужир өгөхийг манай малчид эрхэмлэж ирсэн. Хужирт орсон мал гэж бий. Мал хүртэл хужир идэх дуртай байхаар хужирын ач тус их юм.
Цайны хужирын онцлог нь юу бол?
Найрлагад нь олон төрлийн давснаас гадна зэс, цайр, йод, төмөр зэрэг микро элементүүд бага хэмжээгээр ордог. Шимт чанар сайтай эрдэс тэжээлд тооцогддог болохоор хүний биед сайн нөлөө үзүүлдэг. Мөн хужирт нүүрс хүчлийн натрийн давс болох карбонат бикарбонат зонхиолдог онцлогтой.
Хэр удаан хадгалаж болох вэ?
Хужир өөрөө эрдэслэг чанартай учраас хадгалах хугацаа гэж байхгүй ээ.
Хоолонд яаж хэрэглэх вэ?
Ихэвчлэн цайнд хийж уудаг. Сүүтэй цайнд хийж ч болно. Яагаад гэвэл цай нь 100 хувь ус байдаг болохоор илүү шингэц сайтай байдаг л даа. Өнөө үед хүмүүс их стресст ордог болсон болохоор хужирыг хэрэглэвэл их зүгээр. Тэгээд ч үнэ хямд, байгалийн цэвэр бүтээгдэхүүн юм.
Хужирын үйлдвэр
Хужир гэдэг ерөнхий нэрийн доор хэд хэдэн зүйлийн давсыг хамааруулан ойлгоно. Хайлуулсан хужир буюу нүүрсхүчилийн натри амны хужир буюу бикарбонат гидрокарбонат, талст хужир, хахуун хужир энэ бүгдийг ерөэхийд нь хужир гэнэ.
Эдгээрийн дотроос хужирын бусад бүтээгдэхүүнүүдийг гаргаж авах үндсэн материал нь хайлуулсан хужир юм. Түүнчлэн шил саван, нефть төмөрлөг, нэхмэл, арьс –шир, эслэг, цаас, будаг, хүнсний үйлдвэрүүд зэрэг бусад хэрэгцээнд хужрыг өргөн хэрэглэнэ.
Амны хужрыг хүнсний, эмийн болон бургимал усны үйлдвэр, эмнэлэг, галын хор цэнэглэх зэрэг бусад зүйлд хэрэглэнэ.
Талст хужирыг гол төлөв нэхмэлийн үйлдвэрт, бас гэр ахуйн хэрэгцээнд хэрэглэнэ. Цэвэр хужир нүүрсхүчлийн натри бол цагаан өнгийн талст, нунтаг бодис бөгөөд 854 С-д хайлна. Нягт нь 2.53 гсм түүний асгалтын жин 0.5-0.55 мм. агаарт байхдаа нүүрсхүчилийн хий ба чийг татаж амны хужирт өнгөцхөн шилждэг. Хужир нь устай нэгдэж хэд хэдэн талст гидратыг үүсгэнэ. 32.5-аас доош темпертурт хужирын ханасан уусмалаас декагидрат (Na2CO3 *10H2O ),талсжина 32.5-36 С –ын хооронд гептагидрат (Na2CO3 *7H2O) түүнээс дээш температурт моногидрат (Na2CO3 *H2O) үүснэ. Хужир усанд сайн уусдаг. Темпертурыг нэмэгдүүлэхэд түүний уусалт өснө
Хужирыг усанд уусгахад дулаан ялгарна. Хужрын усан уусмал нь гидролиз явагдасны улмаас хүчтэй шүлтлэг шинж чанартай байна.
Na2CO3 +H2O=NaHCO3+NaOH
Хүн төрлөхтөн хужирыг манай тооллын эрин эхлэхээс өмнө ашиглаж байжээ. Байгаль дээрх түүний хурдас ба далайн зарим нэг замгийг шатааж үнснээс нь хужирыг гарган авдаг байв.
Хужир бол байгаль дээр зүү хэлбэрт талст –трон Na2CO3* NaHCO3 *H2O үүний өөрөөр сесквикарбонат гэдэг натронгидрат(Na2CO3 *10H2O ),ба нунтаг гидрат (Na2CO3 *H2O) зэрэг хэд хэдэн байдлаар оршино.
Шүлтлэг рашаан усанд хужир, уусмал байдалтай байна. Хужир бол ихээхэн хэмжээгэээр хужирт нуурын шорвог усанд мөн хатсан үйлдвэрийн ач холбогдол бүхий томоохон хужирт нуур Баруун сибирь ба Алтайн хязгаар дахь Хулангийн талд, манайд бол тийм их хэмжээний нуур Баруун Алтайн уулсын хавь Увсын хонхор ба Дорнотын талд бий.
19 зууны эхэн үед дэлхийд хужрын өртөг дээд хэмжээндээ хүрч түүнийг байгалиас авч ашигладаг байсан нь шил, саван, арьс шир зэрэг түүнийг хэрэглэдэг олон төрлийн үйлдвэрүүдийн хөгжилтөд саад болж байсан учир хужрыг хиймэл аргаар гарган авах явдал хурцаар шаардагдаж ирсэн байна.
Хужир үйлдвэрлэх аргууд
1791 онд Францын эмч, химич Леблан байгалийн эрдэс бодис – хоолны давс, шохойн чулуу, нүүрс гурваас хужир гаргаж авах аргыг зохиосон байна. Эхлээд хоолны давсыг хүхрийн хүчлээр үйлчилж натрийн сульфатыг шүүг гарган авна.
2NaCI+H2SO4 =Na2SO4 +2HCI
Гарган авсан сульфатыг шохойн чулуу, нүүрстэй хольж 960-1000 С-д шатаахад дараах урвал явагдана.
Na2SO4 +2C=Na2S+2CO2
Na2S+CaCO3=Na2CO3+CaS
Үүссэн хайлшийг буталж жижиглээд усанд уусгахад хужир уусмалд шилжиж хүхэрт кальци, шохойн чулууны үлдэгдэл зэрэг бусад кальцууд тунаж үлдэнэ. Уусмал дундуур нүүрс – хүчлийн хий нэвтрүүлж, бага хэмжээгээр үүссэн хахуун натрийг хужирт шилжүүлээд уусмалыг бүрэн тунгааж, ууршуулна. Үүссэн бүтээгдэхүүнээ хайлуулж дараа нь нунтаглана.
Лебланы аргаар хужир үйлдвэрлэхэд хоолны давс, хүхрийн хүчил хоёрын хооронд байгалийн шүүг түүхий эд болгон хэрэглэж болно.
Энэ арга нь хэд хэдэн дутагдалтай. Хольцыг шатаахад өндөр температур хэрэглэх учир түлш их зарцуулагдахаас гадна бүтээгдэхүүний чанар муу зэрэг бусад олон шалтгаанааас болж энэ арга техник эдийн засгийн үзүүлэлтийн хувьд сүүлийн үед хоцрогдож байна.
Бельгийн инженер Сольвэ өнгөрсөн зууны 60-аад оны үед хужир үйлдвэрлэх аммиакийн аргыг зохиосон байна. Энэ арга нь 1865 оноос эхэлж үйлдвэрлэлд нэвтэрч түүний ашигтай тал олон зүйлээр илэрснээр Лебланы арга хэрэгцээнээс шахагдан гарч хужрын үйлдвэрлэлд Сольвэйн буюу аммиакийн арга зонхилох болсон байна.
Аммиакийн аргаар хужир үйлдвэрлэх онолын үндэс
Аммиакийн аргаар хужир гарган авахад дараах урвалууд явагдана.
NH3+H2O=NH4OH
+
NH4OH+CO2=NH4HCO3
+ NH4HCO3+NaCI=NaHCO3+NH4CI
NaCI+NH3+CO2+H2O=NaHCO3+NH4CI
Дээрх урвал их биш температурт -30 С баруун тийш явагдаж, темпертурыг ихэсгэхэд 70 Сурвал буцна. Үүссэн бүтээгдэхүүн нүүрсхүчилийн хүчиллэг натрийг өндөр температурт хайлуулахад задарч хужир үүсэх ба үүнээс үндэслэж Na2CO3 –ыг хайлуулсан хужир гэж нэрлэх болжээ
2NaHCO3=Na2CO3+CO2+H2O
Энэ урвал бага темпертурт эргэж явагддаг учир ердийн темпертурт задгай тавьсан хужир аажимдаа амны хужир болон хувирна.
Аммиакийн аргаар хужир үйлдвэрлэхэд хэрэглэгдэх нүүрс- хүчлийн хийг шохойн чулуу шатааж гаргана.
Үйлдвэрийн процест аммиакийг дахин эргүүлж хэрэглэхийн тулд шатаасан шохойг унтрааж шохойн сүү болгож түүнийг хлорт аммонитай урвалд оруулна.
CaO+H2O=Ca(OH)2
Ca(OH)2+2NH4CI=CaCI2+2NH3+2H2O
Үүнээс үзэхэд аммиакийн аргаар хужир үйлдвэрлэхэд хэрэглэгдэх үндсэн түүхий эд нь шохойн чулуу, хоолны давс хоёр юм. Онолын хувьд авч үзвэл аммиак алдагдахгүй бүрэн эргэлтэнд байх боловч түүний үйлдвэрийн ялгүй алдагдлыг 18-20% -ийн аммиакийн усаар нөхөж байдаг. Эцсийн бүтээгдэхүүн нь хайлуулсан хужир ба хлорт кальци юм.
Аммиакийн аргаар хужир үйлдвэрлэх процессын үндсэн асуудал бол нүүрсхүчилийн хийг аммикад давсны уусмалд уусгаж үүссэн натрийн бикрабонатын гаралтыг дээд хэмжээнд байлгах нөхцөлийг хангах явдал юм. Түүнчлэн натрийн б икрабонатын гаралт нь бусад хувьсах нөхцөлүүдээс хамаарна. Үүнд:
Давсны уусмалын концентраци ба темпертур, аммиак – давсны уусмал дахь нүүрсхүчилийн хийн ханалтын хир хэмжээ зэрэг нөхцөлүүд орно.
Нүүрсхүчилийн хийгээр ханасан аммиак – давсны уусмал нь хоёр фазаас тогтоно. Шингэн NaCI, NH4CI, NH4HCO3, NaHCO3, NH4)2CO3 хатуу фаз-д NaHCO3, байна. Тухайн темпертурт натрийн бикарбонатын ялгарах хир хэмжээнд дараах нөхцөлүүд нөлөөлнө. Үүнд :
1. Эх уусмалд байгаа NaCI, NH3 –ын харьцаа
2. Эх уусмал дахь усны хэмжээ
3. Уусмалд байгаа нүүрсхүчилийн хийн хэмжээ
NaCI :NH3 харьцаа багасхад бикарбонат уусмалаас тунадас байдлаар бууж ялгарах хэмжээ үүснэ өснө. Эх уусмал дахь усны хэмжээ ихсэхэд бикарбонат ууссанаар түүний гаралт буурдаг.
Уусмалд байгаа нүүрсхүчилийн хий хэмжээ ижил моль харьцаанд ойр байх тутам уусмалаа бикарбонат ялгарч талсжих хэмжээ их байна.
Хайлуулсан хужир үйлдвэрлэх технологийн бүдүүвч
Аммиакийн аргаар хужир үйлдвэрлэх технологийн бүдүүвчийг зурагт үзүүлнэ. 305-310гр NaCI бүхий хоолны давсны усан уусмалыг кальцийн, магнийн давснаас цэвэрлэж хий угаагч 7 урсгалаар нь оруулна. Тэнд хоолны давсны уусмал хужиржуулах баганаас ирсэн нүүрсхүчилийн хий ба вакуум – шүүгүүрээс ирсэн аммиакийг шингээнэ. Шингээх процессын дараа үлдсэн хий агааот хаягдана. Давсны уусмалын хий угаагч 7 шингээгчид 8 гарсан хий, угаагчаар 7 дамжин агаарт хаягдана. Аммиакийн уусмал хөргөгчөөр 9 дамжин хөрөөд хужиржуулах баганы 6 дээд хэсэгт тасралтгүй орно. Энд уусмал шохойн шатах зуухнаас ирсэн 37-40% СО2 бүхий хий хольцтой шүргэлцэж урвалд орно. Хужиржуулах баганад үндсэн урвал явагдаж натрийн бикарбонат үүснэ. Багананы дээд талаас бага хэмжээний СО2 бүхий хий гарч угаагч 7 –д орж тэнд давсны шинэ уусмалаар угаагдаад агаарт гадагшилна. Хужиржуулах баганад үүссэн бикарбонатын талст бүхий сүспензийг вакуум –шүүгүүрээр 10 дамжуулан шүүж үүссэн бикарбонатын талстыг ялган авна. Ваакуум –шүүгүүрээр ялгагдсан натрийн бикарбонат түүхий хужир хужир хайлах зууханд 12 орж хужир, ус, нүүрсхүчлийн хий болон задарна. Зуухнаас гарсан бэлэн бүтээгдэхүүн хий болох хайлуулсан хужир агуулах газар орно. Вакуум –шүүгчээр шүүгдэж гарсан шингэн уусмал нэрэгч баганад 14 орно.
Тэнд нүүрсхүчлийн аммони 70-80 С –д задарч үүссэн аммиак эргэж ашиглагдана. Тэндээс 14 шингэн, нэрэгч – холигч баганад 13 орж дээр задраагүй үлдсэн хлорт аммони, шохой унтраагч аппараатаас 4 ирсэн шохой сүүтэй урвалд орж задарна. Ялгарсан аммиак уул аппаратын 13 доороос орсон уурын тусламжтайгаар нэрэгдэж нэрэгч аппаратад 14 үүссэн аммиак ба нүүрсхүчлийн хийтэй хамт шингээгчид орно. Аммиакийг нэрсний дараа үлдсэн, гол төлөв хлорт кальци бүхий уусмал үйлдвэрийн хаягдал болон гарч бусад зүйлд хэрэглэгддэг.
Аммиакийн арга дээртулгуурласан хужрын үйлдвэр нь үндсэн хэдэн дамжлагаас тогтоно.
1. Шохой шатаахад дамжлагад шохойн чулуу шатааж нүүрсхүчлийн хий ба шохой гаргаж авна
2. Шохойн дамжлагад шохойг унтрааж шохойн сүү бэлтгэнэ.
3. Давс цэвэрлэх дамжлагад хоолны давсныб уусмалыг магний ба кальцийн давснаас цэвэрлэнэ.
4. Шингээх дамжлагад, давсны уусмал аммиакийг шингээж, мөн түүний хажуугаар нэрэлтээс гарсан нүүрсхүчлийн хийн үлдэгдлийг шингээх процеё явагдана.
5. Хужиржуулах дамжлагад аммиакжсан уусмалд нүүрсхүчлийн хийг ханатал шингээсний үлдсэн дээр натрийн бикарбонат үүссэн талсжиж суспензи үүснэ.
6. Шүүх дамжлагад бикарбонатын суспензийг ялгаж, бикарбонатыг уусмалаас тусгаарлана.
7. Нэрэх дамжлагад, хужиржуулах процесын үр дүнд үүссэн аммиак ба нүүрсхүчлийн хийг дахин эргүүлж ашиглана.
8. Хайлах дамжлагад, бикарбонатыг задалж хайлсан хужир ус, нүүрсхүчлийн хий болно.
Хужрын үйлдвэрийн эдгээр бүх дамжлагууд хоорондоо хий ба шингэнийг урсгалаар холбогдсон нэгэн бүхэл бүтэн битүү систем байдаг бөгөөд дамжлага тус бүр бусдаасаа хамаарч бусаддаа нөлөөлнө.
Хужрын үйлдвэрлэлийн технологийн үндсэн процессууд
Шохойн чулууг шатааж шохой ба нүүрсхүчлийн хийг гарган авах
Шохойн чулууг шатааж шохой ба нүүрсхүчлийн хийг гарган авах процесс нь аммиакийн аргаар ажилладаг хужрын үйлдвэрийн бэлтгэл процесс юм. Хужрын үйлдвэрт аммиакийг эргүүлэн ашиглахад ба хужраас хахуун натрийг гарган авахад шатаасан шохойг хэргэлнэ. Уусмалыг хужиржуулах болон амны хужрын үйлдвэрлэлд нүүрсхүчлийн хийг хэрэглэнэ.
Шатаасан шохой ба нүүрсхүчлийн хийг үйлдвэрт гаргаж авах үндсэн түүхий эд бол шохойн чулуу юм. Үйлдвэрийн чанартай түүхий эд болж чадах шохойн чулууны ойролцоо найрлага гэвэл %-оор
CaCO3............92-94%
MgCO3...........1.5-2.5%
SiO2.............3.0%
Fe2O3..........0.2-0%.6
CaSO4..........1.0%
Чийг............0.5%
Шохойн чулууг гол төлөв ил уурхайн аргаар гарган авч тээвэрлэнэ. Шохойн чулууг бутлахад ханан бутлагчийг хэрэглэнэ. Буталсан шохойн чулууны жижиг хэсгийг дундаж хэмжээ. 50-120 мм байх ёстой. Түүнээс бага хэмжээтэйг гол төлөв барилгын материал болгон хэрэглэнэ. Буталсан шохойн чулууны асгалтын жин 1,3-1,4 м|М байдаг. Шохойн чулууг шатаахад түүний жин 41-43% -иар хорогдоно.
Шохойн чулууг шатаахад нилээд өндөр темпертурт шаардагдана. 600 С орчимд шохойн чулуу задарч эхлээд 900-950 С –д гүйцэт задарч урвалын хурд дээд хэмжээндээ хүрдэг учир шохойн зуухны жинхэнэ шатаах бүсэнд темпертурыг 1000-1300 С –т барих хэрэгтэй. Дурдсан хэмжээнээс дээш темпертурт цахиурын исэл, төмрийн исэл, хөнгөнцагааны исэл зэрэг шохойн чулуун дахь элдэв хольц кальцийн исэлтэй үйлчлэн хайлж, шохойг нимгэн хамгаалагч бүрхүүлээр хучна. тэр нь хожим шохойг унтраахад ус үл нэвтрэх хальс болж үйлдвэрийн процесст муугаар нөлөөлдгөөс гадна мөн тийм нэгдэл зуух дотролсон материалтай наалдаж ямаа үүсгэдгээс зуухны элэгдэл түргэсдэг учир шохойн шатаах температурын дээд хэмжээг 1300 С-аас хэтрүүлж болдоггүй байна.
Шохой шатаалтад темпертураас гадна буталсан хэсгийг хэмжээ нөлөөлнө. тухайн хугцаанд жижиг хэмжээтэй шохой бүрэн шатаж задарсан байхад том хэсгийн дотор талд задрах процесс бүрэн явагдалгүй зарим хэсэг хэвээр хоцордог учир шохой жижиглэлтийн хэмжээ жигд байх явдал шохой шатаалтанд чухал нөлөөлөгч зүйл юм.
Шохойн чулууг шатаахад хатуу түлш хэрэглэнэ. Хужрын үйлдвэрт нүүрсхүчлийн хийг гаргаж авах зорилгоор шохойн чулууг шатаах процесст коксыг түлш болгон хэрэглэх нь тохримжтой байдаг.
Коксыг түлш болгон хэрэглэж, шохойн чулуу шатааж гаргаж авсан нүүрсхүчлийн хий нь нилээд цэвэр, мөн гарц сайтай байна. Зуухнаас 120-160 С температур бүхий халуун хий гарна. Зуухны хийн доторхи нүүрсхүчлийн хийг ашиглахын тулд хийг хөргөж бусад хольцоос цэвэрлэдэг. Үүний тулд гол төлөв нойтон цахилгаан –шүүлтүүр хэрэглэнэ. Хий шүүгүүрийн доороос дээш өсгөж түүнийг нэвтрэн гарахдаа шүүгүүрийн доод хэсэгт усаар шүршигдсэн 30 С болтлоо хөрч дараа нь жинхэн шүүгүүрт орж тэнд тоос шорооноос цэвэрлэгдэнэ. Шүүгүүрийн, тунгаагч электрод дээр суусан тоосыг үе үе усаар угааж цэвэрлэнэ.
| | | Зураг 1
Зураг 2
Зураг 3
|
Энэ барааг (5267) удаа үзсэн |
|
|
Утас:
|
95859000, 98258997 |
|
Факс:
|
94255510, |
|
И-мэйл:
|
mychina@yahoo.com |
|
Хаяг:
|
БНХАУ, ӨМӨЗО, Эрээн хот, Шилийн дүүрэг,
Лүн шиан барилгын материалын зах Н-5 тоот.Хятад утас: 0086-13191555510, 18648045510, |
|
Байршил:
|
Улаанбаатар |
| |
|
Энэ компанийн бусад бараа
|
Зохиогчийн Эрх © 2012 Тоног Төхөөрөмжийн Төрөлжсөн Сайт. Бүх Эрхийг Хуулиар Хамгаалсан. Powered By Undurkhaan-IT Co,.Ltd. 
